Polisi Ghana watafuta mwili wa msanii maarufu wa muziki nchini huko Castro

Polisi nchini Ghana wanaendelea kuutafuta mwili wa mwanamuziki wa miondoko ya Afrobeats aitwaye Castro na mpenzi wake kufuatia tukio la ajali ya boti ndogo waliyokuwamo.

Msanii wa nchini Ghana Castro

Castro aliripotiwa kuwa na rafiki yake wa kike siku ya jana wakati ajali hiyo ilipotokea, ambapo hadi sasa boti yao waliyotumia imepatikana.

Marafiki wa msanii huyo wamekuwa wakitoa salamu za rambirambi kwenye mitandao ya jamii kufuatia kifo hicho cha Castro ambaye jina lake halisi ni Theophilus Tagoe, licha ya taarifa rasmi za kifo chake kutothibitishwa.

Castro na mpenzi wake wafa maji

Msanii wa nchini Ghana Castro na mpenzi wake

Ghana imepata pigo la kuondokewa na msanii maarufu wa muziki nchini humo Theophilus Tagoe a.k.a Castro ambaye amefariki katika ufukwe uitwao Aqua safari beach wakati akimwokoa mpenzi wake.

Taarifa zilizosambaa kupitia mtandao maarufu wa burudani nchini humo umeelezea kuwa Castro pamoja na msichana wake wakiambatana na rafiki yao ambaye ni mcheza mpira nyota Asamoah Gyan,waliambatana kwa pamoja kwenda kuburudika katika fukwe hiyo.

Imeelezwa kuwa mpenzi wake Castro alikuwa akiendesha pikipiki ya majini jet-skiing ndipo ghafla akatumbukia katika mto na wakati Castro akijitahidi kumwokoa kwa bahati mbaya wote wawili wakapoteza maisha.

Aidha mpaka sasa miili ya wawili hao inasemekana bado haijapatikana ila kifaa cha aina ya ski kilichotumika katika mchezo huo kimepatikana.
Marehemu Castro aliwahi tamba na kundi la hip-life group 4×4 katika wimbo wa “Sikletele”.