Soma hapa Kuhusiana na DNA kuachana na Grand PA Rec na tamko la lable hiyo

Msanii aliyekuwa anawaiwakilisha label ya Grand Pa Records kwa hits kibao, Dennis Waweru Kaggia aka DNA amemaliza mkataba wake na kuachana na label hiyo kiroho safi.

Grand Pa Records imetoa tamko rasmi kuhusu hatua waliyoifikia na DNA na kueleza kuwa mkataba wa msanii huyo ulimalizika tangu mwezi wa tano mwaka huu na pande zote mbili ziliridhia kumaliza mkataba wao bila shinikizo lolote. 

Tamko hilo la Grand Pa Records limezikanusha tetesi zilizokuwepo awali kuwa DNA ameamua kuachana na label hiyo kwa kuwa mmiliki wa labe hiyo alikuwa busy sana na kushindwa kufanya kazi kama ilivyokuwa inategemewa na DNA. 

Kuondoka kwa DNA katika familia ya Grand Pa bila shaka kumeacha pengo ambalo mashabiki wanalitengenezea picha. Msanii huyo alifanya vizuri akiwa na Grand Pa tangu Banjuka, Maswali ya Polisi na nyimbo za Grand Pa Family kama Fimbo.