FIFA wachunguza kitendo kilichozima ndoto za Neymar

Kamati ya nidhamu ya Fifa inachunguza kitendo kilichomsababishia nyota Brazil Neymar kuvunjika mfupa mgongoni, ili kuchukua hatua dhidi mchezaji wa Colombia Juan Zuniga. 

Neymar Jr. atakosa mechi zilizobaki za Kombe la Dunia baada ya kupata majeruhi.

Mlinzi wa Colombia alionekana akiruka na goti kwenye mgongo wa Neymar, na bila kupewa kadi kwenye mechi ya robo-fainali ambapo Brazil ilishinda 2-1 

Kiongozi wa vyombo vya habari wa Fifa Delia Fischer alisema: “Kamati ya nidhamu inalitathmini tatizo hilo. Uchezaji wa mpira unatakiwa uwe wa haki na tunataka uepuka matatizo uwanjani”.

Naye mshambuliaji wa zamani na bingwa wa Kombe la Dunia Ronaldo anaamini Zuniga alidhamiria kumuumiza Neymar.  Aliongea kwenye mkutano wa waandishi wa habari mjini Rio kuwa:
“Ushindani ulikuwa wa kikatili sana – naamini mchezaji wa Colombia alikuwa na nia ya kumdhuru. 
“Sidhani kama ule ni uchezaji wa kawaida, sijui kuwa alipanga ila naamini alionekana mwenye hasira, mkatili”. 

Zuniga alitetea uchezaji wake baada ya mechi, akisema hakudhamiria kumuumiza Neymar. 
Alisema: “Ilikuwa kawaida, sikudhamiria kumuumiza. Nilikuwa uwanjani, nikichezea jezi ya nchi yangu, na sio kumuumiza yeyote. Nilikuwa nikiitetea nchi yangu”.