Filamu ya marehemu Mzee Small iitwayo 'Jukwaa la Mapenzi' kutoka wiki hii

Filamu mpya ambayo ilikuwa inasubiriwa kwa hamu na mashabiki pamoja na wadau wa filamu nchini iliyobatizwa jina 'Jukwaa la Mapenzi' ambayo imemshirikisha muigizaji nguli nchini marehemu Mzee Small inatarajiwa kutoka Ijumaa ya wiki hii.

Akiongea na eNewz mmoja wa waandaaji ambaye pia ni muigizaji aliyeshiriki katika filamu hiyo Hamis Chau amesema kuwa filamu hiyo iliyorekodiwa mwaka jana imeshirikisha waigizaji maarufu wakiwemo King'wendu, Mboto, Mzee Small na waigizaji wengineo wengi nchini. 

Filamu ya 'Jukwaa la Mapenzi' ndio filamu ya mwisho ya marehemu Mzee Small kuigiza kabla ya kufariki kwake dunia.