Ile kauli ya Diamond kwamba hawezi kuoa kamwe, yamchefua Wema

KAULI ya nyota wa Bongo Fleva, Nasibu Abdul ‘Diamond Platnumz’ kwamba hawezi kuoa kamwe, inadaiwa kumchefua mwandani wake, Wema Isaac Sepetu ‘Beautiful Onyinye’.

Aliporejea Bongo kutoka Marekani juzikati, Diamond alitoa kauli hiyo na kuandikwa kwenye ukurasa wa mbele wa gazeti dada la hili, Ijumaa, toleo la wiki iliyopita likiwa na kichwa cha habari; ‘DIAMOND: SITAOA KAMWE’ ambapo ndani yake alieleza jinsi ambavyo mastaa wengi waliooa wameanguka kisanii.

Kwa mujibu wa mtu wa karibu wa mastaa hao, Wema hakufurahishwa na habari hiyo kwa sababu anajua yeye ndiye mke mtarajiwa wa Diamond. 
Ilidaiwa kwamba, Wema alijikuta akipoteza ile furaha ya kwamba wawili hao wangefunga ndoa mwezi huu (Agosti) kama ilivyotabiriwa na mnajimu maarufu Bongo, Maalim Hassan Yahya Hussein. 

“Baada ya kauli hiyo ya Diamond na kutotimia kwa utabiri wa Maalim Hassan kwa sababu hakuna hata dalili za maandalizi ya tukio hilo muhimu kwenye maisha ya mwanadamu, Wema ameanza kukata tamaa, lakini amesema hawezi kulazimisha ndoa kwa mwanaume kwa kuwa si utamaduni wa wanawake wa Kitanzania wala Kiafrika.

“Unajua Kibongobongo au hata Kiafrika hai-sound vizuri na pengine haiwezekani kwa mwanamke kulazimisha kuolewa kama mwanaume hataki. Hicho ndicho kilichomtibua Madam (Wema) baada ya kusoma alichokisema Diamond,” kilisema chanzo hicho na kuongeza: 

“Wema amehisi yeye ni girl lover (mpenzi) tu kwa Diamond na si wife material (mke mwema) kwa hiyo  anawaza sana kuhusiana na ishu hiyo japo mahaba niue kati yao yanaendelea, lakini anafikiria kuchukua uamuzi mzito.”

Baada ya kuinyaka ishu hiyo, gazeti hili lilimtafuta mlimbwende huyo anayeshikilia Krauni ya Miss Tanzania 2006 ili kumsikia mwenyewe ambapo alifunguka yake ya moyoni. Mwanadada huyo alisema kuwa kwa sasa haumizi tena kichwa kuhusu  suala la ndoa na Diamond na kwamba hana haraka nalo. 
“Mimi naamini sana mambo ya utabiri, lakini siumizi kichwa na suala la kuolewa na Diamond na kamwe siwezi kumlazimisha anioe.

“Kikubwa katika mapenzi ni upendo wa kweli ambao ananionesha bila kipimo. Wala sina papara, hata kama mtabiri kasema ndoa yetu ni lazima ifungwe mwaka unaogawanyika kwa mbili kwa maana ya mwaka 2016 kama itashindikana mwezi huu, hilo kwangu si tatizo la kunifanya nililie kuolewa na Chibu (Diamond). 

“Ninachojua mimi Mungu ndiye anapanga yote na kama ndoa ipo ipo tu maana kuna watu wapo kwenye ndoa na hawana upendo wa kweli kama tulionano sisi,” alisema Wema.

Paparazi wetu alimtwangia simu mama yake Wema, Mariam Sepetu na kumuuliza mambo mawili, kuhusu bintiye kuvishwa pete ya ndoa na Diamond na suala la Mbongo Fleva huyo kusema hataoa kamwe!
“Mimi niseme nini? Sina la kusema kuhusu Wema. Mambo yake ni yake mwenyewe na huyo Diamond wake. Kwanza kwa nini mnipigie mimi, si mumtafute yeye mwenyewe?” alisema mama huyo kwa sauti ya utulivu.

Katika hali ya kushangaza, mama Diamond, Sanura Kasim ‘Sandra’ ameonekana kunawa mikono kwa kauli aliyowahi kuitoa siku za nyuma kuhusu mtoto wake na masuala ya kutooa au kuoa. 
Nasibu ni mtu mzima sasa, siwezi kumpangia lolote kuhusu kuoa au kutooa. Wakati ukifika, anaweza kusema lolote ambalo ataliona ni zuri katika maisha yake.”

Kuhusu Diamond kumvisha pete ya ndoa Wema, tendo ambalo lilifanyika hivi karibuni wakiwa nchini Afrika Kusini, Amani lilifanikiwa kuzungumza na shehe mmoja ambaye aliomba hifadhi ya jina lake ambapo alisema alichokifanya Diamond kwa Wema ni usanii. 

“Diamond amemfanyia usanii mwenzake. Pete gani bila kufunga ndoa. Halafu katika Uislam, hakuna tendo la wanandoa kuvalishana pete, hayo mambo wanayafanya wenyewe, ” alisema shehe huyo.

Wema alipopewa nafasi ya kuizungumzia pete hiyo alisema Diamond aliipenda tu akaamua kumnunulia na kumvisha lakini haihusiani na ndoa. 

“Sisi (na Diamond) tulikuwa Afrika Kusini, baby wangu akaipenda pete, akainunua na kunivalisha, haina uhusiano na ndoa,” alisema Wema.

Credit GPL.

Video: Msichana anayedaiwa mchepuko wa Jay Z atoa ngoma akimchana Beyonce ‘Sorry Mrs. Carter’

Inaonekana familia ya Mr and Mrs Carter haiwezi kukaa siku moja ikatulia bila kupata msukosuko. Tangu ugomvi wa kwenye lifti kati ya Jay Z na Solange, familia hiyo imeendelea kutawala vichwa vya habari kwa taarifa za mpasuko katika ndoa yao.

Na sasa rapper aitwaye Liv, ambaye amekuwa akidaiwa na mitandao ya udaku kuwa mchepuko wa Jay Z ameachia video ya akichana kwenye beat ya wimbo wa zamani wa kundi la Outcast ‘Mrs Jackson’ kurekodi wimbo wake alioupa jina ‘Sorry Mrs. Carter’ na kumchana vibaya Beyonce japo anadai hajawahi kuwa na uhusiano na rapper huyo.
Hata hivyo Liv anadai kuwa ni Jay ndiye anamtaka hadi sasa akiwa tayari amemuona Beyonce.

Ali Kiba: Lulu anafaa kuwa mke, aeleza kilichotokea siku ya kifo cha Kanumba

Kwa mara ya kwanza, staa anayeitikisa nchi kwa sasa na wimbo wake wa Mwana, Ali Kiba amefunguka kuwa mwigizaji kiwango Bongo, Elizabeth Michael Kimemeta ‘Lulu’ anafaa kuwa mke (wife material) huku akiweka wazi sifa kibao alizonazo, Wikienda liko bize kukujuza.

Kiba ambaye hivi karibuni ameibua mijadala mingi katika mitandao ya kijamii, usafiri wa umma na kwenye baa juu ya ujio wake mpya akisemekana kurudia kiti chake ambacho alikikalia Mbongo Fleva, Abdul Nasibu ‘Diamond’ kwa muda, mwaka 2010 aliwahi kuripotiwa katika magazeti pendwa kwamba ana uhusiano wa kimapenzi na Lulu ambaye wakati huo alikuwa na umri chini ya miaka 18! 

Akizungumza mbele ya kinasa sauti cha Globa TV Online, Bamaga-Mwenge jijini Dar mwishoni mwa wiki iliyopita, Kiba ambaye anatarajia kuangusha shoo ya kihistoria Agosti 8, mwaka huu katika Tamasha la Usiku wa Matumaini kwenye Uwanja wa Taifa jijini Dar, alisema Lulu anafaa kuwa mke kwa vile ni mchapakazi sifa ambayo mke mwema anapaswa kuwa nayo. 

Kiba alisema Lulu anajua kuhangaika, anajua kupambana kusaka pato lake kihalali kupitia mauzo ya sinema zake anazozizalisha kitu ambacho kinawashinda mabinti wengi na kuangukia katika biashara ya kuuza miili (ukahaba).

Licha ya kummwagia sifa hizo, kipindi hicho alichokuwa akitajwa kuwa naye, Lulu alikuwa na matukio ambayo hayakuwa na maadili lakini Kiba hayo hakuyatilia maanani.
Mwandishi: Unafikiri Lulu ni ‘wife material’ (mke mwema) ambaye unaweza kumweka ndani akalea watoto na kuijenga familia bora? 
Kiba: Yeah! Anafaa kuwa mke, ni binti anayejituma, mchapakazi, mtafutaji. Kwangu mimi mtu wa namna hiyo ndiyo anafaa kuwa mke.
Mwandishi: So, unataka kutuambia kwamba unaweza kumuoa?
Kiba: Sijasema hivyo mimi, nimesema anafaa kuwa mke.

Licha ya kuchomoa ishu hiyo ya uhusiano, mapaparazi wetu walimbana zaidi staa huyo afafanue kwa nini alitajwa yeye na si msanii mwingine huku ikidaiwa kuwa, Lulu hakuwa ametimiza miaka 18 hivyo kubanwa kisheria (ya watoto na kujamiiana).

 “Sijatembea naye ndiyo maana unaona hata sheria haijanihukumu, endapo ningekuwa nimetembea naye, basi sheria ingeweza kunitia hatiani na ningefungwa jela,” alifafanua Kiba.

Kiba aliongeza kuwa, anashangaa sana kuona watu wanamsema vibaya yeye kupendwa na Lulu.

“Lulu ni msanii mwenzangu, anapenda kazi zangu na mimi napenda za kwake. Ni rafiki wa kawaida, hakuna kitu kingine cha ziada. Nawashangaa wanaozusha ya kuzusha, hivi kwani kuna tatizo Lulu akinipenda? Sidhani kama ni kosa, ana haki ya kunipenda kutokana na muziki wangu.  

“Unajua muziki mzuri huwa unapenya automatically, huwezi kuzuia hisia za muziki, mtu unaweza ukawa humpendi msanii f’lani lakini ukapenda muziki wake, unajikuta tu unampenda, unaanza kuimba nyimbo zake,” alisema Kiba.

Juzikati wakati Kiba anatambulisha nyimbo zake mbili kwa mpigo (Mwana na Kimasomaso), Lulu, kupitia mtandao wa Instagram alitupia maneno ya kummwagia sifa staa huyo, liliibuka kundi ambalo linatajwa kuwa ni wafuasi wa mwigizaji Wema Sepetu ‘Team Wema’ na kuanza kumshambulia kwa maneno machafu. 

Akizungumzia ishu hiyo, Kiba alisema waliofanya hivyo hawakumtendea haki Lulu kwani ana haki ya kueleza hisia zake pale anapoguswa na muziki mzuri.

“Hawajatenda haki kwa sababu Lulu ni binadamu kama walivyo wengine, ana haki ya kupenda kitu kizuri,” alisema Kiba.

Kiba akizungumzia juu ya kuhusishwa na kifo cha aliyekuwa nyota wa sinema Bongo, marehemu Steven Kanumba ambapo alidaiwa kunaswa kwa meseji za mapenzi alizozituma kwa Lulu ndiyo zilizosababisha mtifuano ambao ulisababisha kifo cha Kanumba, alikana madai hayo. 

“Si kweli, sikuwa nimewasiliana na Lulu siku hiyo kabla ya tukio. Nakumbuka nilikuwa safarini, baada ya tukio nilimpigia Lulu kutaka kujua ukweli wa taarifa za kifo kwa sababu marehemu alikuwa mtu wangu  wa karibu kama alivyo Lulu,” alisema Kiba.

Kwenye mahojiano hayo, mkali huyo alizungumzia ishu ya mwigizaji, Jacqueline Wolper kukiri kwamba Kiba ndiye mwanaume aliyemtoa usichana wake kwenye simulizi iliyochapishwa katika Gazeti la Championi hivi karibuni. 

“Mh! Aliwahi kukiri? Daah! Sijui bwana… Wolper ni mtu wangu wa karibu kama alivyo Lulu,” alisema kwa mkato Kiba.Juzi, Lulu alitafutwa na mapaparazi wetu ili  azungumzie ukaribu wake na Kiba, lakini simu yake muda mwingi iliita bila kupokelewa (tunaamini atasoma hapa, tunaendelea kumtafuta ili afunguke).

 Credit GPL.

Beyonce & Jay Z Staying In Separate Hotels. 'On The Run' Tour In Trouble "This May Not Make It To San Francisco"

Jay Z and Beyonce have drifted so far apart it's threatening to ruin their current On The Run tour. The New York Post's Page Six reports that the married couple are staying in separate hotels and arriving at each show at different times. 

There are five dates left on the tour, which is scheduled to end in Paris on September 13, but a source says it could end a lot sooner.

“This may not make it to San Francisco (August 5),” a source said. “I’m definitely not sure that they’ll make it to Paris.”

Because of growing rumors that a divorce is imminent the power couple met with Live Nation, HBO and at least four lawyers on Thursday, July 31, to address the situation and do some damage control by putting out a joint statement, however Jay and Beyonce couldn't agree on what it would say 

Live Nation is heavily invested in the current situation because they are promoting the tour. HBO is set to air an On The Run special September 20.     

“There are lawyers that have now joined the tour, and they’re not here just to see them perform. They are here to help hash things out,” the source told Page Six.   

The couple reportedly didn't sign a prenuptial agreement. Jay is worth $550 million. Beyonce is sitting on a sizable net worth of $300 million. Distribution of assets is a concern, as is which network will get the post divorce interviews.     

“They’ve had discussions lately about the inevitable sit-down interview when they finally do split, and Jay’s been adamant that he doesn’t want Beyoncé sitting down with Barbara Walters or Oprah Winfrey pretending to be the victim,” the source said.

Video: Wastara Sajuki 'Nataka kuolewa' maneno hayo akiwa kwenye mahojiano na The Sporah Show

Mahojiano ambayo Wastara Sajuki alifanya pale alipo kutana kwenye The Sporah Show ambapo alisikika akidai kuwa anataka kuolewa tena nakusema ''Marehemu Sajuki Atafurahi Kuona NinaFuraha Tena Baada Ya Yeye Kufariki.''

Tizama video:

Picha: Justin Bieber anasa mrembo huyu baada ya kurushiana makonde na Orlando kwa ajili ya msichana

Mwimbaji Justin Bieber ambaye jana alitawala vichwa vya habari baada ya kurushiwa makonde na muigizaji Orlando Bloom kwa ajili ya mrembo Miranda Kerr, ameonesha jinsi alivyo na kisu kirefu zaidi kwa watoto wazuri. 

Bieber ameonekana akila bata kwenye yacht katika eneo la Ibiza na mrembo wa Australia anaefahamika kwa jina la Shanina Shaik. 

Shanina Shaik ambaye ni mwanamitindo maarufu alipost baadhi ya picha kwenye Instagram akiwa na Justin Bieber.

Mrembo huyo aliwahi kuwa mpenzi wa mwanamitindo maarufu wa Marekani ambaye pia ni muigizaji, Tyson Beckford kwa miaka mingi na uhusiano wao ulivunjika mwaka jana.

Picha: Alicia Keys Na Swizz Beats Wanategemea Kupata Mtoto Wa Pili

Rapper na Producer Swizz Beatz na Mkewe Alicia Keys wametangaza kuwa wanategemea kupata mtoto wao wapili. Alicia Keys ametumia mtandao wa Instagram kutangaza kuwa baada ya miaka minne ya ndoa yao kudumu wanategemea kupata mtoto wa pili. Keys ameandika hivi

Happy Anniversary to the love of my life @therealswizzz !! And to make it even sweeter we've been blessed with another angel on the way!! 🎊🎉🎊🎉 You make me happier than I have ever known! Here's to many many more years of the best parts of life! 😍☺️😘''

Swizz nae alitumia mtandao wa instagram kuweka picha akimbusu Alicia Keys na kuandika ujumbe huu

Love is life & life is love and we're so excited for another GIFT from up above 👼 Happy Anniversary my Goddess 🙌 4 years of greatness & cheers to 100 plus more inshallah 🙏 @aliciakeys ❤️❤️❤️❤️❤️❤️❤️❤️❤️❤️''

Diva kwa GK: You are the most romantic, the most perfect husband taken by me!!

Advantage kubwa mwanaume anaweza kupata akidate na Loveness Diva ni shout outs za kutosha mbele ya followers wake kwenye mitandao ya kijamii.

Ukimtoa Mo Rocka, huenda GK akawa boyfriend wa mtangazaji huyo wa Clouds FM aliyewahi kumwagiwa jumbe za mahaba kuwazidi hata Prezzo na Mr Anonymous aka mwanasiasa! Katika muendelezo wake wa kuutangazaji ulimwengu jinsi anavyojisikia kuwa ‘first lady’ wa mkuu huyo wa ECT, Diva ameshare picha yake Instagram na kuandika: 

“Umependeza Mwaya My love…..everyday in my life is Perfect because it starts and ends with hugs and kisses to the man i love more than anything else. My main…my main man. Just love you…just the way ulivyo. Holding your hands cuddling in your arms….Precious moments…hours, days;months and finally A year….love you babe..forever eternally. Yo the most romantic …yo the most Perfect husband taken by me..i love you baby and kazi Njema Inshaallah Mshahara wako unipe nikuwekee…..hehee. Yo The most Perfect Man i could ever have had …i love you My Gk emojiemojiemojiemoji.”

Jokate azungumzia filamu, muziki, biashara, Alikiba vs Diamond, Wema na mapenzi, msikilize hapa

Jokate Mwegelo yupo jijini Nairobi, Kenya ambapo hata hivyo hajaweka wazi ameenda kufanya nini lakini aliweza kukutana na Mzazi Willy M Tuva kwenye show ya redio inayosikilizwa zaidi nchini humo, ‘Mambo Mseto’ ya kituo cha Radio Citizen kuzungumzia masuala mbalimbali kuanzia filamu, muziki, biashara, ushindani kati ya Alikiba na Diamond na uhusiano.

Kuhusu nyimbo mpya za Alikiba  

Nimesikiliza ni nzuri, zipo tofauti, they are actually very Alikiba so I am proud of him. Pengine anataka kubadilisha muonekano wake kwasababu nikisikiliza zile nyimbo nampata Alikiba which is a good thing kwasababu kama artist lazima uwe na ile signature yako kwahiyo I still get that from him. But I think right now because ana management mpya anataka kujibrand, take it to the next level sasa hivi kwasababu kuna watu kama akina Diamond they are doing great stuff so it’s a great thing for him.

Kuhusu ushindani uliopo sasa kati ya Diamond na Alikiba  

Watu wanataka kuwashindanisha lakini kwasababu it comes with the nature of the business huyu anataka kufanya vizuri, huyu anataka kuwa on top kwahiyo mashabiki nao lazima waseme ‘muziki huu mzuri, ahh yule mzuri zaidi’ kwahiyo ni kitu cha kutegemewa. Lakini mimi nahisi kila mtu kutokana na muziki wake anaofanya, kutokana na personalities zao ambazo ni tofauti, personality ya Diamond sio personality ya Alikiba so they each have their own selling point kwahiyo sidhani kama kuna shida sana hapo.

Kuhusu ushauri anaompa Alikiba  

I just wish Alikiba achangamke kidogo, huo ndio ujumbe wangu kwake, awe more aggressive. Unajua sasa hivi artist walivyo, they are very up front like they are always on your face, he should be like that.

Kuhusu uhusiano wake na Diamond kwa sasa  

Tuko poa kwasababu tuko wote kwenye industry moja hatuwezi kuwa na beef, it will be crazy. Yeye beef yake inabidi awe na Alikiba man (anacheka).

Kuhusu nani mkali kati ya Alikiba na Diamond  

Alikiba ana fan base kubwa Tanzania wanampenda and Diamond is a hustler he does well so it’s a tie. Kila mmoja ana nafasi yake, kila mmoja anafanya muziki mzuri.

Kuhusu kama bado ana ugomvi na Wema Sepetu  

Obvious kama female mkicross paths inakuwa vile lakini we are cool, she is a great girl and it’s all love.

Kuhusu kama ana uhusiano na mtu mwingine tayari  

Nina prospects wengi.

Sikiliza interview nzima hapa.

Credit Bongo5.

Kanye West afunga camera kibao kwenye nyumba anayoishi ili kumuona mwanae North hata akiwa ziarani

Kanye West amefunga idadi kubwa ya camera kwenye nyumba yake ili kumchunga na kumuona binti yake, North popote pale duniani.

Rapper huyo mwenye miaka 37 amedaiwa kumkera mke wake Kim Kardashian kwa kufunga camera hizo kwenye kila chumba ndani ya nyumba yao ya Los Angeles hadi kwenye bafu ili kuhakikisha anamuona North muda wote. 

Chanzo kimoja kimesema: Kanye anamchunga sana North na anataka kuhakikisha anamuona wakati akiwa mbali ziarani. Hivyo ameongea na kampuni ya LA iitwayo VIA international kuinstall ‘high-tech cameras’ katika nyumba yake nzima. Kisha ataweza kuwa na link ya moja kwa moja ya nyumba yake na kumuangalia North kwa chochote atakachokuwa anakifanya akiwa popote duniani. Kanye ana utaratibu wake kichwani wa jinsi anavyotaka mwanae alelewe na anataka kuona kuwa utaratibu huo unafuatwa.” 

Chanzo hicho kilichoongea na gazeti la Daily Star kiliongeza: Lakini Kim hajafurahishwa na mpango huo. Anachukia wazo la kuangaliwa muda wote. Alimuambia Kanye kuwa anahisi haamini uwezo wake (Kim) wa kulea.” 

Hata hivyo chanzo hicho kimedai kuwa Kanye hana wasiwasi na ulezi wa mke wake kwa North bali mara nyingi hummiss mwanae. Rapper huyo anadaiwa kutaka North awe na ratiba ya kucheza na midoli ya kumfundisha, kufanya yoga ya watoto na kuogelea kila siku. 
“Alimuambia Kim kuhakikisha kuwa mtoto wao anacheza na watoto wengine walau mara nne kwa wiki.”

Jokate asaka mwanaume wa kumuoa, ataja vigezo pia

Katika kuonyesha amechoshwa na upweke, mwanamitindo Jokate Mwegelo ‘Kidoti’ ameibuka na kusema kuwa sasa anasaka mwanaume wa kumuoa huku akitaja vigezo vya anayestahili kumuita mume.

Akizungumzia maisha yake ya kimapenzi, Jokate alisema kuwa hana ‘mtu’ ila atakapotokea mwenye vigezo anavyotaka, hatakuwa na sababu ya kumkataa. “Kwa sasa sina mpenzi wala mchumba, akitokea sina kipingamizi ila mbali na vigezo vingine awe na mapenzi ya dhati na mimi,” alisema Jokate. 

Jokate amekuwa msiri sana katika maisha yake ya kimapenzi kiasi cha wengi kuamini ni msichana anayejiheshimu sana ila aliwahi kuwa na uhusiano na mchezaji wa mpira wa kikapu, Hasheem Thabeet anayekipiga kwenye Timu ya Oklahoma City Thunder ya nchini Marekani.

Kwenye 'On The Run Tour' ya Jay Z na Beyonce, Hizi picha zimependwa zaidi na fans

Ukizingatia taarifa  kuhusu ndoa ya Jay Z na Beyonce kuvunjika baada tu ya ziara yao ya On The Run kukamilika, wasimamizi wa wasanii hawa wanafanya kila jitiada kuweka pamoja mashabiki zao kwa kusambaza picha na maneno mazuri kuhusu wapenzi hawa.

Hizi picha tatu mpaka sasa zimeonekana kupendwa zaidi na mashabiki. 

Hii ndio couple ya mastaa inayoaminika kudumu kwa sasa ukiacha ya Will Smith na Jada Smith.

Picha: Mume aunguzwa na mkewe sehemu nyeti kwa maji ya moto kisa wivu wa mapenzi

Majeruhi Adam Rashid akiwa amelazwa katika Hospitali ya Amana, Ilala jijini Dar es Salaam kwa majeraha ya maji ya moto.



MWANAMKE mmoja aliyejulikana kwa jina la Fatuma Said mkazi wa Kitunda, Ilala jijini Dar es Salaam anashikiliwa na Polisi baada ya kummwagia maji ya moto mumewe sehemu za siri na tumboni kwa kile kinachodaiwa kuwa ni wivu wa kimapenzi, tukio lililotokea Julai 16 mwaka huu, huko Kitunda.


Chanzo chetu cha habari kililiambia gazeti hili kuwa tukio hilo lilitokea saa 12.30 jioni baada ya mwanaume huyo, Adam Rashid ambaye ana wake wawili, kwenda katika nyumba anayoishi mke mkubwa akiwa ameandamana na mke mdogo, kwa lengo la kupata maji ya kuoga na kubadili nguo, akitokea kituo kidogo cha Polisi Stakishari, ambako aliwekewa dhamana kwa shauri lililokuwa likimkabili. 

Inadaiwa kuwa baada ya kuwekewa dhamana hiyo, Adam na mkewe mdogo, Aisha Juma, waliamua kwenda nyumba anayoishi mke mkubwa, ambayo inamilikiwa na mwanaume huyo,  kwa ajili ya kuoga na kubadili nguo, wakiamini kuwa kusingekuwa na matatizo yoyote kwa vile wanawake wote wawili anaishi nao kihalali na wanafahamiana. 

Majeraha ya maji ya moto aliyopata Bw. Adam Rashid.

Inasemekana kuwa baada ya kufika nyumbani hapo, Adam alimtaka mwanaye kumwandalia maji ya kuoga na akimaliza apewe bukta, ili aweze kuondoka na mke mdogo kuelekea wanakoishi, lakini wakati hayo yakifanyika, bi mkubwa alianza kutoa maneno machafu ya kejeli, yaliyoonyesha wazi kuwa alikuwa na wivu wa kimapenzi.

Baada ya mwanaume huyo kumaliza kuoga na kutoka nje, inadaiwa mkewe mkubwa alijitokeza akiwa amebeba sufuria iliyokuwa na maji ya moto, yanayodaiwa kuwa yalitakiwa kutumika kwa ajili ya kupikia wali na kumwagia tumboni na sehemu za siri, huku akiendelea kumtolea maneno ya kashfa.

Akiwa amelazwa katika wodi namba tatu kwenye hospitali ya Amana, Ilala jijini Dar es Salaam, majeruhi  Adamu Rashid alisema Julai 16 mwaka huu alienda  nyumbani kwake akiwa ameandamana na mke wake mdogo, lakini akashangazwa na kitendo cha bi mkubwa kuanza kubwata na kumwuliza alichokifuata, kana kwamba amesahau kama pale ni kwake na wote ni wake zake. 

“Baada ya kunimwagia maji, mke wangu mdogo alilia sana kwa uchungu, majirani wakanichukua na kunipeleka Polisi ambako tulimkuta bi mkubwa akiwa anaandikisha maelezo kuwa mimi nimempiga, kuona vile askari walimgeuzia kibao na kumwingiza ndani kwa ajili ya mahojiano zaidi.”

“Ndugu  mwandishi, mimi na mume wangu tulienda hadi  kwa  mke  mkubwa bila wasiwasi  maana  na  mimi pale  ni  kwangu  kwa  sababu  nyumba  ya  mume  wangu  halali, lakini tulipofika tuliambulia  maneno  machafu na kejeli.  

Mke mkubwa alihoji kwa jeuri kitu gani tulichokifuata pale, mume wangu alikuwa akimjibu kuwa hapa nipo kwangu na huyu  niliyekuja naye ni mke wangu halali, mbona unanifanyia mambo ambayo  siyaelewi, yule hakuelewa, aliendelea tu na maneno yake machafu.”

Kamanda wa polisi  mkoa wa kipolisi Ilala, SACP Marieth Minagi amethibitisha  kutokea  kwa  tukio  hilo na kusema mtuhumiwa  huyo anashililiwa katika kituo cha polisi Wilaya ya kipolisi Ukonga na amefunguliwa jalada na kupewa namba RB/STK/9438/2014 KUJERUHI na uchunguzi unaendelea.

Credit GPL.

Beyonce awatimua warembo walioingia kwenye chumba cha Jay Z, awaita 'mende'

Mambo bado magumu kwa ndoa ya Jay Z na Beyonce na tetesi za uchepukaji wa Jay Z zinazoripotiwa zinazidi kumfanya Beyonce awachukie warembo wote wanaomsogelea mumewe huyo anaedaiwa kuwa na kisu kikali mbele yao. 

Kwa mujibu wa jarida la Star, chanzo kilicho katika tour yao ‘On The Run’ kimeeleza kuwa Beyonce aligeuka mbogo na kuwatimua kwa hasira warembo walioingia kwenye chumba cha Jay Z cha kubadilishia nguo backstage. 

Chanzo hicho kimeeleza kuwa Beyonce alitumia maneno makali kwa kuwaita mende wanaotakiwa kuuawa na dawa ya kuua wadudu. 

“Jay had all these women in his room, and Beyonce ordered everyone out. She called the women cockroaches and said they need to be fumigated. She gave death stares to every person as they filed out one by one.” 

Inaelezwa kuwa Jay Z na Beyonce wanavyumba tofauti vya kubadilishia nguo baada ya show ingawa viko karibu (vinafuatana).

Kajala Masanja ‘K’ ameibuka na kukanusha madai ya kutoka kimalovee na mtangazaji wa Clouds aitwaye Perfect

Staa wa sinema za Kibongo, Kajala Masanja ‘K’

Staa wa sinema za Kibongo, Kajala Masanja ‘K’ ameibuka na kukanusha vikali madai ya kutoka kimalovee na mtangazaji wa Clouds aitwaye Perfect.
Akizungumza na Ijumaa Wikienda, wikiendi iliyopita jijini Dar, Kajala alifunguka kwamba madai hayo hayana ukweli wowote na wala hana ukaribu na mtangazaji huyo.

Mtangazaji wa Clouds aitwaye Perfect.

 

“Sina relation (uhusiano) kama huo na Perfect zaidi ya kazi tu,” alisema Kajala huku Perfect akiwa hapatikani hewani kila alipotafutwa.

Hapa zipo picha 8 zinazo tizamwa sana za Wema Sepetu akiwa na Diamond walizo share Instagram

Wasanii hawa maarufu wa Tanzania 'Wema Sepetu na Nasib Abdul aka Diamond Platnumz' ambao wamechukuwa headline sana  kwenye vyombo vya habari pamoja na mitandao ya kijamii, wamezidi kuonyesha mahusiano yao kuwa ya karubu na undani zaidi kuliko hapo ilipokuwa awali.

Picha hizi ni picha ambazo Wema amezi share weekend hii iliyoisha kwenye account yake ya Instagram na kusababisha kupata comment nyingi kutoka kwa watu wanao wafuatilia.

Picha: Diamond kamvalisha Wema pete ya ndoa!

SAPRAIZ! Beautiful Onyinye, Wema Isaac Sepetu (25) ameibua viulizo baada ya kuonekana akirandaranda na pete ya ndoa kidoleni ikidaiwa kuwa amevalishwa na Nasibu Abdul ‘Diamond Platnumz’ kwa siri kubwa.

Baada ya kuwepo kwa habari nyingi kuhusiana na ishu hiyo, Ijumaa Wikienda liliingia mzigoni kusaka ukweli wa ishu hiyo na kujua mbivu na mbichi.
Kwa mujibu wa rafiki wa karibu wa mkali huyo wa sinema za Kibongo, hata mashosti zake hawajui kinachoendelea zaidi ya kuulizana wao kwa wao kuhusu nini kinaendelea huku kukiwa na hisia kuwa huenda wawili hao wamefunga ndoa ya siri.

Kuna maelezo kwamba Diamond alifanya hivyo ili kuzuia mwanaume mwingine kumvisha Wema pete ya ndoa kwani alishamvisha ya uchumba tangu mwaka 2011 kwenye Ukumbi wa New Maisha ulipo Masaki jijini Dar.

Wiki iliyopita jitihada za kumnasa Wema akiwa na pete ya uchumba zilizaa matunda ambapo mwanahabari wetu alimuweka ‘mtukati.
Wema alipotakiwa kuanika ukweli juu ya pete hiyo, alikubali na kueleza kuwa ameamua kufunguka kwa mwanahabari wetu baada ya kuwa kimya tangu alipovishwa pete hiyo.

Beautiful Onyinye, Wema Isaac Sepetu (25) akionyesha pete aliyovishwa na Diamond.

 

Wema alisema si kweli kwamba amefunga ndoa ya siri ila Diamond alimvisha pete hiyo kama urembo akijua kabisa kwamba yeye ni wife material (anafaa kuwa mke).
“Sijafunga ndoa jamani. Hii pete alininunulia baby wangu Nasibu (Diamond) wakati tukiwa South Africa (Afrika Kusini).

“Alininunulia na kunivisha tulipokwenda kwenye Tuzo za MTV Africa (MAMA). Nakumbuka tuliingia kwenye duka moja nikaiona hii pete ikanivutia sana, nikamwambia Nasibu ndipo akaninunulia na kunivisha palepale.

“Cha kushangaza ni kwamba imewatatiza wengi na kuhisi ndoa tayari. “Hii pete ndogo niliinunua mwenyewe  hapahapa Bongo na kuivaa kama urembo tu, hakuna tofauti na hilo kuhusiana na hizi pete nilizovaa kidole husika,” alisema Wema ambaye kidoleni kwake kunaonekana pete mbili, kubwa na ndogo.

Alipoulizwa kwa nini Diamond aliamua kumvisha pete hiyo kabla ya ndoa, Wema alifunguka: “(kicheko) hilo sina uhakika nalo but amegundua mimi ni wife material hataki kunipoteza. Kanipa heshima anayostahili kupewa mwanamke...”

Wakati huohuo, Wema amemshukuru mtabiri, Maalim Hassan Yahya ambaye mwanzoni mwa mwaka huu alitabiri kuwa mastaa hao wataoana mwezi ujao (Agosti) mwaka huu akiomba Mungu na iwe hivyo.
“Natamani hiyo ndoa na nasubiria hiyo siku ili utabiri utimie, ni jambo la heri jamani,” alisema Wema.

Alipotafutwa Diamond ili afunguke kuhusiana na ishu hiyo, simu yake ya kiganjani iliita bila kupokelewa. Wakati huohuo, mashabiki wa mastaa hao, wamewashauri mama Wema na mama Diamond kuwa kitu kimoja ili kufanikisha ndoa hiyo ya watoto wao.

Ukiacha pete hiyo ya ndoa aliyovishwa na Diamond, Wema aliwahi kuvishwa pete kama hiyo alipofunga ndoa na jamaa aitwaye Jumbe Yusuf Jumbe ambayo haikudumu hata mwezi mmoja.

Credit GPL.

Je ni kweli wake wanaponenepa kupita kiasi ndio sababu ya waume zao kuwa na michepuko ya kando?

Nchini Kenya mjadala umezuka kwenye mitandao ya kijamii kufuatia maandishi ya mwanamke mmoja akiwalaumu wanawake wanene kupita kiasi kwa masaibu yanayowakumba katika ndoa zao.

Njoki Chege aliandika katika gazeti la Daily Nation Jumapili na kwenye blogu yake kusema kuwa sababu ya wanaume waliooa kuwa na mipango mingi ya kando ni wake zao kujisahau na kuwa wanene kupita kiasi. 

Amesema wanawake wanapoolewa na kubarikiwa na watoto , unene huzuka na hapa ndipo Njoki anasema pindi mwanamke anapoonza kunenepa na kuwa mzito kupita kiasi, waume zao husasau yule kidosho aliyemfumba macho hata akamuoa. 
Anaongeza kusema wanawake hao huzua kila sababu kutofanya mazoezi na wakisema wana shughuli nyingi.

Kadhalika anasema wanawake hujipatia majukumu mengi na kujishughulisha kiasi cha kujisahahu. Wao husema unene umetokana na kupata mtoto lakini kwa Njoki, hicho ni kisingizio tu. 

Waume zao wanapotupa jicho huku na kule na kujionea wasichana walio na umbo zuri basi huingia kwenye mtego wa kujiingiza katika zinaa. 

Matamshi ya Njoki yamewakera wengi hasa wanawake na kuzua hisia mseto miongoni mwa watu wengi. Bila shaka aliandika maoni yake na sisi tunakuuliza tu maoni yako. 
Kwa nini swala hili la unene na wembamba ndilo linatumiwa kama kigezo kwa wanaume waliooa kwenda nje ya ndoa? 
Je unahisi kama kuna ukweli hapa au Njoki ana matatizo yake mwenyewe?
Yeye mwenyewe ni mwembamba.

Tupe maoni yako hapo chini kwakutumia facebook.

Lulu azua kihoja kwa wasanii wa Marekani waliopo nchini, akiwadai namba za Justin Bieber!

Staa wa sinema za Bongo, Elizabeth Michael Kimemeta ‘Lulu’, hivi karibuni alijikuta akiendelea kuwehukia penzi la mwanamuziki Mkanada anayefanya shughuli zake nchini Marekani, Justin Drew Bieber (20), Amani  lina cha kushika mkononi.

Staa wa sinema za Bongo, Elizabeth Michael Kimemeta ‘Lulu’.

Ishu hiyo ilitokea Julai 14, mwaka huu ndani ya Ukumbi wa BoT uliopo maeneo ya Posta jijini Dar es Salaam ambapo wasanii wa Marekani waliotinga Bongo kwa mwiliko wa Rais wa Jamhuri ya Muungano wa Tanzania, Dk. Jakaya Mrisho Kikwete ‘JK’ walikuwa wakitoa semina kwa wasanii wa Bongo.
Lulu ambaye kwa miaka mingi amekuwa akiweka wazi mapenzi yake kwa Bieber alifika ndani ya ukumbi huo na kumwambia staa mwenzake wa sinema, Zuweza Mohamed ‘Shilole’ kwamba lengo la kufika kwake ni kuwaomba wasanii hao namba za simu za Bieber. 

Semina hiyo ilikuwa na lengo la kutoa mbinu za namna ya kukuza na kupanua soko la muziki na sanaa zote Tanzania. 
Semina ilianza saa 3:00 asubuhi na wasanii wa Bongo waliitikia wito kwa kufika mapema, lakini Lulu alizama ukumbini hapo saa 8:12 mchana.

Lulu alishuhudiwa akiwasili ndani ya ukumbi huo kwa  mbwembwe nyingi huku akimwambia Shilole kwamba ametia timu kwa lengo la kuchukua namba za simu za mpenzi wake wa moyoni, Bieber kwa  vile alijua miongoni mwa Wamarekani hao lazima mmoja atakuwa na mawasiliano ya msanii huyo. 

Mwanahabari wetu, baada ya kuyanasa mazungumzo ya Lulu kwa Shilole, alianza kumfuatilia staa huyo hatua kwa hatua kama kweli atamvaa mmoja wa wasanii hao na kumuomba namba za simu za Bieber! 
Lulu alikwenda kukaa kwenye kiti mbele kidogo huku wasanii wengine wa Bongo wakiwa kwa nyuma yake na akaanza kufuatilia semina hiyo ilivyokuwa ikiendeshwa kwa usahihi.

Katika hali isiyokuwa ya kawaida, mtoa semina mmoja alilitaja jina la Bieber katika mfano wa maelezo ya kuzingatia, ndipo Lulu akashtuka na kujishika sehemu ya kushoto kifuani kisha akamwelekea meneja wa Mbongo Fleva, Nasibu Abdul ’Diamond’, Babu Tale ambaye alikuwa karibu yake na kumwambia maneno haya: “Naona sasa hawa Wamarekani wanaanza kugusa ninapopataka mimi.” 

Baada ya semina kumalizika, baadhi ya wasanii wa Bongo walipiga picha za pozi na Wamarekani hao huku Lulu akienda chemba kuzungumza na Diamond, jambo lililotafsirika kuwa huenda alitaka msanii huyo amfanyie wepesi wa kukutana na Wamarekani hao kwa vile yeye alikuwa huko hivi karibuni akiwania Tuzo za BET.

Mpaka mwisho, Lulu aliondoka kimyakimya tofauti na alivyowasili huku paparazi wetu akiendelea kumfuatilia. 

Baadaye mwandishi wetu alimpigia simu ya mkononi staa huyo na kumuulizia kama alikipata alichokuwa amekikamia ndani ya ukumbi huo.Paparazi: “Lulu nilikusikia pale ukumbini ukimwambia Shilole kuwa lengo lako kubwa la kwenda ni kuipata namba ya simu ya Justin  Bieber, vipi uliipata?”
Lulu: “Of course ni kweli nimekuwa nikimpenda Bieber tangu alipoibuka na Wabongo wanajua hilo, maana nimekuwa nikimsifia na kumzungumzia, ila pale ukumbini nilipongia Shilole ndiye alianza kwa kuniambia nimekwenda kuchukua namba ya Bieber.

“Hata mimi nilimkubalia kuwa ninavizia watakapomaliza kutoa semina niipate namba ya Bieber lakini sikumaanisha sana jamani!” 
Paparazi: “Je, ulipokwenda kuongea na Diamond nini ilikuwa hoja yako kwake, akuunganishe nao?”
Lulu: “Mambo mengine bwana. Kuna wakati Shaka Zulu (mmoja wa wagane hao) naye alimzungumzia Justin Bieber na baada ya kutaja jina tu nilishtuka sana, nilitaka nione akina Diamond watasemaje?”

Mwaka 2011 baadhi ya magazeti pendwa ya Bongo sanjari na mitandao ya kijamii yaliripoti jinsi Lulu alivyopagawa na mwanamuziki huyo kiasi cha kushindwa kuvumilia na kujianika kwenye ukurasa wake wa Twitter. 
Lulu alikwenda mbele zaidi kwa kudai kuwa, kwa jinsi anavyompenda staa huyo alikuwa tayari kumpa chochote kile (hakufafanua). Alikuwa ‘akitwiti’ kwa Kiswahili wakati mwingine akitumia ‘yai’ (Kingereza).
Katika maelezo yake Lulu alikaririwa akisema kuwa endapo staa huyo atatua Bongo, atatembea utupu kutoka nyumbani hadi sehemu ambayo Bieber atakuwa anapafomu. 
Bieber mwenyewe anadaiwa kuwa na mashabiki zaidi ya 47,180,630 wanaomfuatilia kwenye Twitter hivyo huenda ilikuwa vigumu kumsoma Lulu.

Hivi karibuni ambapo hata mwezi mmoja haujapita wakati Diamond akiwa nchini Marekani kwenye Tuzo za BET, Lulu alimtupia kwenye Instagram maneno haya: “Hongera kwa levo uliyofikia. Huko ulinionea Justin Bieber wangu?” 
Ni nadra katika jamii ya Kiafrika mwanamke kuanika hisia za mapenzi yake kwa mwanaume asiyekuwa na habari naye huku jamii ikijua au kutambua hilo lakini Lulu amethubutu. Je, inakuwaje hapo?

Credit GPL.

Ramadhani yamaliza beef la Wema na Penny!

Star wa filamu Tanzania Wema Sepetu.

STAA wa sinema za Kibongo, Wema Sepetu amesema baada ya kutokuwa na maelewano kwa muda mrefu na mtangazaji maarufu Bongo, Peniel Mungilwa ‘Penny’, sasa ameamua kumsamehe rasmi kwa heshima ya Mwezi Mtukufu wa Ramadhani.

Akizungumza na Risasi Mchanganyiko, Wema alisema: “Kwa moyo mweupe, nasema nimemsamehe Penny, hata nikikutana naye popote nitasalimiana naye kama kawaida. Nimeamua kuachana na yote, mimi ni binti wa Kiislam na nahitaji sana swaumu yangu ipokelewe vyema kwa Mungu.”

Mtangazaji wa DTV Peniel Mungilwa ‘Penny’

Kwa upande wa Penny alifunguka: “Siwezi kusema nitamchukia Wema ila nimekubali matokeo, sina tatizo naye tena ingawa najua hatuwezi kuwa marafiki tena  kama zamani, lakini yaliyopita yameshapita.”
Wema na Penny walikuwa na bifu kwa muda mrefu, chanzo kikiwa Penny kuingilia uhusiano wa Wema kwa Mwanabongo Fleva, Nasibu Abdul ‘Diamond’.